Referat frå styremøte i HBK på Stend 23.februar 2012.
Frammøte: Liv Spilde,Anny Sandvin,Rigmor Vikane,Brynhild Tennebekk Bjørke,
Bente Eide,Eli Totland, Else Helleland.
Turid B. Njåstad (HB)
SAK 11/12: Innkalling og saksliste vart godkjendt.
SAK 12/12: Referat frå styremøte 23.januar – 12 vart godkjendt.
SAK 13/12: Evaluering av Inspirasjonsdagen vår – 4.februar.
Konklusjon på dagen: Når alt kjem til alt, so samarbeider styret i HBK ganske bra
etterkvart.
Men det skulle ha vore høgtalaranlegg/ mikrofon slik at alle kunne ha høyrt kva som
vart sagt. Det var ein del som ikkje høyrde noko som helst. Dei ein har snakka med i
ettertid, let vel over seminaret. Gode attendemeldingar.
Lokalet og forelesarane var bra. Seminaret gjekk med overskot.
HBK styret sender ein rapport / overslag til Fylkeskommunen, so dei ser kva
pengestøtta deira gjekk til. Likeeins sender me takkekort ( NBK – kort) til
sponsorane.
SAK 14/12: Årsmeldinga vår v/Bente E.
Bente E. gjekk igjennom årsmeldinga på data`en sin. Det er ein del arbeid å få
dette til. Ho vil senda årsmeldinga på e -post til oss andre i styret, so me får lest
gjennom den og gje kommentarar. (den skal i trykken på Stend
måndag 27.februar)
Det vert trykt opp 140 årsmeldingar.
Pakkemøte på Stend – onsdag 7.mars kl.11.00.
Dei som møter: Liv Sp., Else H., Eli T., og Anny S.
Eli T. ordnar med mat til dagen.
SAK 15/12: Årsmøtet vårt (23. – 25. mars)
Anny S. melder på HBK – styret til årsmøtet og ein frå valnemnda. Likeeins
æresmedlemmet Magnhild Grinde. (har fått for øyro, at ho ikkje vil koma i år.)
og ordstyrar på årsmøte, Anna Torhild Blikberg.
Rigmor V. lagar til ein Bygdekvinne – quiz 2012.
Vervepremie til Myrkdalen b.kv.l. (7 nye) og Omvikdalen b.kv.l.(5 nye).
Laga får eit flagg i påskjøning.
HBK – styret fremjar ei sak til årsmøte: ”Ny struktur på Årsmøte”. Liv
lagar til tre forslag, som ho sender ut til lokallaga før årsmøte, so laga kan
diskutera dette på førehand.
Dei som kan i styret møter kl.17. fredag 23.mars på hotellet for å laga til
møtelokalet til årsmøte.
Styremøte på Ullensvang hotell kl 20.00 fredag 23.mars. Margunn Nedrebø
vert med oss på dette møtet.
SAK 16/12: Arbeidsplan 2012.
Styret gjekk igjennom arbeidsplanen for året 2011 – 2012.
Me endra på prioritering/rekkjefylgje av nokre arbeidsoppgåver,
og la til nokon. Sjå eige ark.
SAK 17/12: Budsjett 2012 v/Anny S.
Me gjekk igjennom budsjettet – sjå eige ark.
Det kom fram eit forslag om å oppretta eit ”fond” eller liknande av renteinntektene ein
får, som lokallaga kan søkja på, for å få støtte til ulike prosjekt dei driv med. Det vart
diskusjon ikring korleis pengane skulle nyttast, utan at det vart nokon endeleg
konklusjon. Det vart sagt at styret tek oppatt forslaget til diskusjon etter årsmøte 2012.
Styret skal då koma fram til nokre kriteriar, for å søkja på evt. eit fond.
SAK 18/12: Matstafetten v/Rigmor V.
Den Nasjonale matstafetten varer frå 1.mars 2012 – til 28.februar 2013.
Rigmor V., som er vår fylkeskontakt har sett opp/fordelt vekene på alle lokallaga, som viser kor tid dei skal delta i stafetten. B.kv.l. Fitjar og Fana har ”stafettpinnen” før årsmøte, so Rigmor og Bente tek kontakt med dei laga.
No er det ikkje nok lokallag i fylket til å dekkja alle vekene i eit år, so dei som er
tilovers skal styremedlemmene i HBK ta seg av. Fyrst ute er Bente og Rigmor….
Rigmor V. informerer om stafetten under sak ”open post” på årsmøte. Ho lagar til
lappar med vekenummer på, ei nettadresse og kontaktperson til lokallaga, som vert
delt ut.
Det kom opp eit spørsmål om ein får veta om oppskriftene vert sendt inn?!
SAK 19/12: Tinging av HBK t – skjorter v/ Brynhild T. B.
Det har kome inn tinging av 57 t – skjorter. Det er 7 b.kv.l. som har tinga.
Kanskje Øystese b.kv.l. og vil ha nokon, men dei har ikkje kome med noko
tal enno. HBK tingar og nokre (13) so eg tar kontakt med Hardanger Silketrykk
og ordnar tinginga.
SAK 20/12: Ymse
I år er det ny Ganefart. Det vert samling for kontaktpersonar i Oslo
laurdag 21.april 2012. Det passar ikkje for nokon som sit att i HBK styret
etter årsmøtet, men me vonar at nokon av dei nye i styret tek ansvar.
Bente E. stiller som reserve.
Bente E. stiller på årsmøte til Folkeakademiet i Bergen onsdag 28.mars.
Liv S. og Brynhild T.B. har vore på årsmøte til HBU på Voss, laurdag
18.februar. Ingeborg Rødberg tok attval som leiar.
Ymse forts.
Rigmor V. har vore på årsmøte til 4H Hordaland sundag 19.februar på
Kokstad.
Leiar Bård Longva Byrkjenes, tok attval som leiar.
Pakking av årsmelding på Stend onsdag 7.mars kl. 11.00.
Styremøte på Ullensvang hotel, fredag 23.mars kl. 20.00 før Årsmøte.
Skrivar Brynhild
...........................................................................................................................................................................
Referat frå styremøte i HBK på Stend 23.januar 2012.
Frammøte: Liv Spilde,Anny Sandvin,Rigmor Vikane,Brynhild Tennebekk Bjørke
Eli Totland, Else Helleland.
Revisorar: Sissel Bjelland og Jorunn Holsen.
Forfall: Bente Eide, Turid B. Njåstad (HB) og HBU
SAK 1/12: Innkalling og saksliste vart godkjendt.
SAK 2/12: Referat frå styremøte på Høyden 7.des.- 11 vart godkjendt.
SAK 3/12: Inspirasjonsdagen vår i Bergen 4.februar – 12. Har me kontroll?
Då fristen for påmelding var ute, var det totalt 81 bygdekvinner påmeldt!
Me vart samde om at so mange som kan i styret møter kl. 09:00 på Bergen
Storsenter.
Styremedlemmene stiller i HBK T – skjortene på møtet.
Styret diskuterte om Liv Jorunn Solstad skal få ei helsing/ treugle i gåve for
innlegget sitt.(ho får betaling i tillegg).
Ingrid G. Henriksen får ei treugle for at ho kjem frå NBK.
Ifrå den økonomiske sida er det no Ullensvang kommune som ikkje har gjeve
støtte som dei har lova. Liv S. skal purra på denne.
Hordaland fylkeskommune har pålagt HBK å bruka logoen deira på seminaret,
sidan dei gjev oss bra med støtte.
SAK 4/12: Årsmeldinga 2011.
Sidan Bente E. vart hindra i å koma på styremøte, fekk me ikkje veta kor langt
ho er komen med årsmeldinga. Men førebels er fristen ute for annonsemalar,
og det er dårleg respons hittil. Anny S. og tilskiparlaga til årsmøte purrar på
annosørane sine.
Bente E. har fått fram og bakside til årsmeldinga.
Rekneskapen er ok. Likeeins helsing frå styret, og arbeid i fylkestyret.
Hordaland bondelag vil trykkja årsmeldinga vår.
SAK 5/12: Årsmøtet vårt v/ Liv S. og Anny S.
Anny S. og Liv S. sender ut invitasjon til årsmøte. Anny S. seier at so langt er
det meste på plass. Det manglar annonsar.
HBK – styret gjev tre gevinstar til loddsalet under årsmøte.
Agnete Sivertsen og Therese Rykkje Aalvik deler på årsmøteforedraget.
Gjensidige har fått telefon om dei vil koma på årsmøte, det er dei positive
til. Dei får ca. 15 minutt taletid, og vil snakka om trygg familie.
SAK 6/12: Val i NBK v/ Brynhild T. B.
Me har fått brev ifrå valnemnda, der dei ynskjer forslag på kandidatar til ulike
verv og svar på fem spørsmål tilknytta valet. Svarfrist 10.februar. Spørsmåla
vart diskutert og Brynhild T. B. sender eit samla svar. I etterkant har me fått
veta at regionkontakten vår (Margunn Nedrebø) ikkje ynskjer attval, noko
me ikkje fekk snakka om på styremøte.
SAK 7/12: Oppsummering av telefonrunden i lokallaga.
Det var meir positiv respons på telefonrunden denne gongen. Lokallag som
har få medlemmar og ”dårleg ” økonomi syns det er dyrt å reisa på fylkes –
årsmøtet vårt. Dei fleste let vel over matstafetten som skal koma i gang dette
året.
Sak 8 om arbeidsplan 2012 og Sak 9 om budsjett 2012 gjekk ut pga dårleg tid.
Sak 10/12: Ymse
Revisorane godkjende rekneskapen til kasserar Anny S.
Det har kome inn nokre tingingar på T – skjorter. Brynhild tek kontakt med
Hardanger Silketrykk om dei vil laga desse t - skjortene påny.
Monika Blikås frå programmet ” naturens verden” (NRK p1) ringde Liv S. og
ynskte eit intervju om rotgrønsaker, som er satsingsområde til NBK i 2012.
Liv ringde leiaren i NBK, Kathrine Kleveland, fekk nokre tips/fakta om dette.
So midt i styremøte, kom Monika til Stend, og fekk Liv, Rigmor og Brynhild
ut på trappa og fekk eit intervju om temaet som vert sendt sundag 29.januar i
radioen mellom kl. 09 – 10.
Neste styremøte i HBK vert torsdag 23.februar – 12 på Stend kl 16.
Skrivar Brynhild
Referat ifrå styremøte i HBK på Stend 22.august 2011.
Frammøte: Liv Spilde,Rigmor Vikane,Anny Sandvin,Brynhild Tennebekk Bjørke,
Eli Totland,Bente Eide, Else Helleland.
Turid B. Njåstad( HB)
Forfall: Ingeborg Rødberg (HBU)
SAK 39/11 Innkalling og saksliste vart godkjendt.
SAK 40/11 Referat ifrå styremøte 5.mai på Stend vart godkjendt.
SAK 41/11 Statusrapport etter tlf.runde i lokallaga, våren 2011.
Samla sett so var lokallaga glade for ein telefon ifrå styremedlemmene i HBK.
Nokre var ugod på samtalen, men for ein del var det nok ein nyttig telefon. Det er liten
respons på å reisa til Kristiansand på inspirasjonsseminar i september. Det er viljen og
lysta det står på. Bente fekk via telefonsamtale med Osterøy invitasjon til eit
medlemsmøte i november, det var kjekt!
Aktiviteten i lokallaga er varierande, men alle driv med noko.
Konklusjon på denne telefonrunden, er at me vil forsetja med telefonkontakten to
gonger i året. Eingong på hausten, når laga er komne i gang med møta sine, og
før påmeldingsfristen til fylkesårsmøte i februar.
Stoff til heimesida til HBK er det lite med. Kva skal me gjera med dette? Hugs at inga hending er for liten å koma med!
SAK 42/11 Inspirasjonsseminaret i Kristiansand
På styremøte vårt er det fire styremedlemmar som reiser. Liv Sp. Rigmor V.
Anny S. og Brynhild T. B. (evt. nokre fleire)
NBK betalar sjølve seminaret. HBK betalar overnatting.
Reisekostnader dekkjer me sjølve.
SAK 43/11 Regionmøte til hausten (region Folgefonn el. Sunnhordaland?)
Det vart semje om at region Folgefonn lagar til regionmøte i haust.
Anny S. høyrer med Skare b. kv. l om dei vil laga dette til. Me fann ut at 22.oktober
var ein passande dato, men i ettertid er det framlegg om laurdag 15.oktober.
Sunnhordaland får skipa til regionmøte i februar 2012.
SAK 44/11 Økonomi v/Anny S.
Pr.22.aug. – 11: Brukskonto – saldo 13.938,- kr.
Høgrentekonto 323.571,- kr.
På brukskonto vert det minus 6000,- kr i tillegg som dekkjer overnattingar for styremedlemmar på seminaret i Kristiansand.
Salsvarer i HBK: kasseraren får ikkje tala på handlenetta til å stemma med inntekta
på dei. Det er 6 handlenett ”som er på tur”. Styremedlemmene
sjekkar om dei har nett i heimen.
Ord – og utrykk boka vår har gjeve oss 133.200,- kr. i nettoinntekt.
Kalendar inntekter: 124.210,- kr
Trykkjeri – utgifter(for kalendaren) 72.500,- kr
Overskot - kalendar 31.710,- kr
Åsane bo.kv.l. skuldar pengar for 23 kalendarar
Bulken bo.kv.l. skuldar pengar for 20 kalendarar
Kasserar har sendt faktura og purrebrev til desse to laga.
SAK 45/11 Ymse
Møteplan – hausten 2011: Torsdag 29.september – på Stend
Laurdag 15.oktober – regionmøte i Skare/Odda(?)
Onsdag 30.november – jolamøte i Bergen. Bente E.
ordnar hus til oss.
Leiaren sender ut lokallagsbrev etter inpsirasjonsseminaret i Kr.sand, som er
24 – 25.september.
Liv Sp. har delteke på tlf.møte i organisasjonsutvalet i NBK.
Nytt om fylkesårsmøte i 2012: det er Børve/Sekse - og Odda b.kv.l. som er tilskipar av årsmøte. Det er Odda b.kv.l. som skal skaffa festtalar. Dei har litt problem med å få tak i
nokon, arbeider med saka.
HBK – styret tenkja på årsmøteforedragshaldar.
SAK 46/11 Evaluering av styremøte
Me kom igjennom sakslista, den var passe lang. Det vart eit sakleg og greitt møte, der alle fekk snakka.
Me vart ferdig i ”god” tid og ingen måtte springa for å nå ferje eller buss.
Styret fekk tid til å gjera stas på leiaren som nærma seg 50 år!!
Det var kjekt å få snakka litt romsleg, og verta meir kjende med kvarandre.
Styremøta skal og vera kjekke, ikkje berre alvorspreik.
Neste styremøte vert torsdag 29.september - 11 på Stend kl. 16.00
Skrivar Brynhild
Referat frå styremøte i HBK på Stend 29.september 2011.
Frammøte: Liv Spilde,Anny Sandvin,Eli Totland,Brynhild Tennebekk Bjørke,
Bente Eideog Lillian Hovseth (HB)
Forfall: Rigmor Vikane, Else Helleland ogIngeborg Rødberg (HBU)
Sak 47/11 Innkalling og saksliste vart godkjendt.
Sak 48/11 Referat frå styremøte 22.august – 11 på Stend vart godkjendt.
Sak 49/11 Referat frå inspirasjonsseminar med NBK i Kristiansand
v/Liv, Anny og Brynhild.
Me var fire frå styret i HBK som var på seminar i Kristiansand
helga 24. – 25. september.Liv Spilde,Brynhild Tennebekk Bjørke,Anny Sandvin
og Rigmor Vikane.
Me var ca. 160 damer samla til inspirasjon på hotel Dyreparken. Det var kjekt å møta
so mange bygdekvinner til faglege innspel og mykje drøs rundt gode måltid.
Referat frå seminaret er lagt ut på heimesida til HBK.
Sak 50/11 Regionmøte i Skare 5.november 2011.
Skare bygdekv.l. skipar til regionmøte. Dei har leigd ei ”gamlestove” å halda til i.
Det vert kulturelle innslag – informasjon frå HBK – matøkt – laga som høyrer til i
regionen fortel om seg sjølve.
Viktig å få invitasjonen ut til laga so fort som råd og pris.
Vonar det passar for alle i HBK – styret å møta.
Sak 51/11 Inspirasjonssamling i februar 2012?
Me snakka om å få Ingrid Grene Henriksen – prosjektansvarleg – for
”bygdekvinnelaget opnar bygda” til vestlandet. Ho har sagt seg viljug til å koma til
oss, då ein del av midlane som er øyremerkt prosjektet, dekkjer reisekostnader for
henne, slik at ho kan reisa rundt i landet.
Tidspunkt: laurdag 4.februar 2012.
Stad: Hotel Terminus i Bergen. Klokkeslett 10 – 16.
Anna program: for at bygdekvinnene skal synast dette er inspirerande og vil koma til
Bergen, fekk Liv Sp ein ide fråMargunn Hausoi Ulvik b.kv.l. Ho syns me skal snakka med Liv Jorunn Solstad frå TV - programmet ”Førkveld” om ho vil koma til oss.
Me i HBK – styret syns det var ein god ide, og Margunn H. tek ansvaret for at dette
går i boks!
Sak 52/11 Trykkjing av nye T – skjorter.
Det er kome førespurnad frå Fitjar b.kv.l. og Øystese bo.kv.l. om me kan skaffa
fleire t – skjorter. Styret har ikkje fleire på lager. Liv skriv i lokallagsbrevet sitt som
ho skal senda ut i haust, om det er fleire lag som ynskjer t- skjorter. Vert det bra etter - spurnad, kan me vurdera å trykkja eit nytt opplag.
Sak 53/11 Kva bør Liv informera om i lokallagsbrevet i haust?
Ho får spørja om det er ”marked” for fleire t – skjorter. Informasjon om regionmøte i
november i Skare.
Lokallaga treng ei påminning om kor dei skal senda årsmeldinga si.( ikkje til kontoret
på Stend, men til leiaren i HBK. Ps. Skriv retur - adressa tilslutt i brevet!)
Sak 54/11 Ymse
Økonomi v/Anny Sandvin:
Hjartesukk om to bygdekv.l. som enno ikkje har gjort opp for boka og kalendaren vår.
Kva gjer me no? Me fann ut at Liv sender med ei ekstra ”purring ” til desse to laga i lokallagsbrevet sitt, og skriv mellom anna at me ikkje vil ha dette som tema på fleire
styremøte.(det neste vert då inkasso?!)
Medlemsrapport frå fylket der 791 har betalt kontingent av 814 medlemmar.
På høgrentekonto – saldo – 323.571,-kr.
På fylkesårsmøte i 2012 i Ullensvang vil styret fremja ei sak om sjølve årsmøte.
1.Framlegg:
Starta årsmøte fredagskvelden kl. 19, med ei uformell sosial samkome med middag.
Sjølve årsmøte vert laurdagen kl 09. – kl.17. (årsmøte slutt)
2.Framlegg:
Fylkesårsmøte som dagmøte – laurdag kl.10 – 17.
Leiaren sender ein epost til Øystese bo.kv.l. om at HBK fremjar ei sak om endring
av fylkesårsmøte i 2013, sidan det er det lokallaget som er tilskipar då.
HBK – styret sender ei blomehelsing til Else Helleland då ho brått mista mannen.
I matpausen vår hadde me denne gongen og ein jubilant som fyller femti.
So då vart det kake og ei helsing tilBente Eide. Me GRATULERAR!!
Neste styremøte/samling vert i Skare på Regionmøte laurdag 5.november 2011. Kl.10.30
Skrivar Brynhild
Referat frå styremøte i HBK i Skare 5.november 2011.
Frammøte:Liv Spilde,Rigmor Vikane,Anny Sandvin,Brynhild Tennebekk Bjørke,
Eli Totland,Bente Eide, Else Helleland og Turid B. Njåstad (HB)
Forfall: HBU sin representant.
SAK 55/11: Innkalling og saksliste vart godkjendt.
SAK 56/11: Referat frå styremøte på Stend 29.sept. vart godkjendt.
SAK 57/11: Inspirasjonssamlinga vår i februar 2012. status/ Liv Spilde
Det er sendt søknader til to legat, ulike fond, Gjensidigestiftinga, Hordaland
Fylkeskommune, fire bankar og sju kommunar i Hardanger om støtte til denne
samlinga i februar 2012.
Minstepåmelding er tjue personar.
Invitasjonen som vert sendt ut, vert laga avMargunn Hausoog Liv Spilde.
Bindande påmeldingsfrist er 20.desember 2011 tilRigmor VikaneogEli Totland.
SAK 58/11: Fylkesårsmøte 2012 v/Anny Sandvin
Sidan sist styremøte har det vore komitemøte for årsmøte i Ullensvang 2012.
Avtale med hotell Ullensvang er no i orden. Likeeins underhaldninga under fest –
middagen.
Forslag til årsmøteforedragshaldar: Agnete Sivertsen (leiar i Utne museum)
Arvid Aga – Fotograf
Kari Varberg – (Friluftsmenneske frå Eidfjord)
SAK 59/11: Årsmeldinga vår. Kven tek seg av kva.
Denne saka vart utsett pga dårleg tid.(skulle nå ei ferje heimatt).
SAK 60/11: Ymse
Neste styremøte skal vera onsdag 7.desember i Bergen på Høyden. Det har vorte
tradisjon at HBK har jolamøte sitt der!Klokkeslett 15.30 – 18.30. Då får me mat.
Dei som kan møter på Rica Hotel kl. 14.30, for å sjå på møtelokala til samlinga me
skal ha i februar 2012. Det er lurt å ha lest igjennom eposten ifrå Ingrid G.Henriksen,
som skal vera me oss på denne samlinga, der det står korleis ho tenkjer seg opplegget
for den laurdagen 4.februar 2012.
Det var litt uklart korvidt tilskiparane (Skare b.kv.l.) av regionmøte skulle betala for
denne dagen, men kasseraren i HBK fann ei ordning på dette. So det er i orden. Det
er eit ynskje ifrå Skare b.kv.l. om at me i HBK lagar til ein mal/ oppsett på kva som er
utlegg/ inntekter på eit Regionmøte.
Til neste styremøte må alle i HBK – styret laga til ei reiserekning, so får det pengar
til jol!
Oppmøte neste styremøte Rica hotell onsdag 7.desember kl. 14.30 el. Høyden 15.30.
Skrivar Brynhild
Referat frå styremøte i HBK på Høyden 7.des.2011
Frammøte: Liv Spilde,Rigmor Vikane,Anny Sandvin,Brynhild Tennebekk Bjørke,
Eli Totland,Bente Eide, Else Helleland,
Turid B. Njåstad ( HB)
SAK 61/11: Innkalling og saksliste vart godkjendt.
SAK 62/11: Referat frå styremøte i Skare 5.november – 11 vart godkjendt.
SAK 63/11: Inspirasjonsdagen vår i Bergen 4. februar 2012.
Økonomisk støtte – positivt svar: Hordaland fylkeskommune: 15.000,-kr.
2000,-kr frå kvar kommune: Odda, Eidfjord og Ullensvang.
Negativt svar: Granvin, Kvam og Jondal kommune og ifrå to Vossabankar.
Eli T. og Rigmor V. kjem før seminaret byrjar og kokar kaffi og deler opp frukt som dei kjøper inn.
Rigmor V. takkar av for dagen.
Bente E. og Else H. er på seminaret heilt tilslutt.
Kakebaking: Bente, Else, Eli, Rigmor og Turid. Bordinndeling med grupper på fem.
Eli T. og Rigmor V. oppgjev bankkontonr. til HBK ved påmelding til seminaret, slik at alle har betalt på førehand.
Ingrid G. Henriksen får ei HBK – treskål.
Seminaret vert gratis for styremedlemmene i HBK og Margunn Hauso.
HBK – styret får ikkje styregodtgjerdsle den dagen.
To songar til seminaret ordnar Rigmor V. med.
SAK 64/11: Årsmøte i HBK - mars 2012.
Anny S. fekk negativt svar hjå Kari Varberg som foredragshaldar på årsmøtet vårt.
Etter litt diskusjon vart me samde om at Liv Sp. høyrer med Agnete Sivertsen frå
Grimo b.kv.l. og leiaren i Øystese b.kv.l., Therese Rykkje om dei vil vera årsmøte –
foredragshaldarar ilag.
Me snakka og om å få besøk av Gjensidige, som ynskjer å koma på årsmøtet vårt.
Liv tek ein telefon til Hans Martin Glesne i Gjensidige.
SAK 65/11: Årsmeldinga vår. Kven tek seg av kva?
Bente E. har sagt ja til å skriva årsmeldinga på dataen i år og. Det er kjempebra!
Anny S. ordnar med bilete til fram – og bakside på årsmeldinga. Ho snakkar og
med tilskiparkomiteen om å skriva nokre velkomstord.
Anny S. ordnar reklame frå Tine, Nortura, Gjensidige og Felleskjøpet.
Likeeins ordnar Anny S. rekneskapen.
Arbeid i fylkesstyret i 2011 tek Brynhild T. B. seg av.
Liv Sp. spør Hordaland Bondelag om dei vil trykkja årsmeldinga for oss.
Arbeid i lokallaga skriv Liv Sp. om.
Turid N. skriv nokre ord om HB, likeeins gjer styret i HBU.
Årsmeldinga forts.
Inspirasjonsseminaret i Kristiansand må koma med. Brynhild T. B. har skrive eit
samandrag om det tidlegare.
SAK 66/11: Matstafetten i NBK v/Rigmor V.
Matstafetten er ein database for matrettar frå heile landet. Fylkeslaga har ansvar for å
dela lokallaga opp etter årstidene til matstafetten.
Over nyttår vil alle lokallaga få tilsendt ein mal/invitasjon frå NBK om denne
stafetten.
Rigmor V. tek ansvar for stafetten i HBK. Ho får hjelp av dei andre styremedlemmene
med å opplysa lokallaga om dette på ringjerunden i januar -12.
SAK 67/11: Økonomi v/Anny Sandvin
Gledeleg nyhende: no har dei to lokallaga som stod att, betalt for kalendarar og bøker.
Brukskonto: 15.005, - kr.
Sparekonto: 323.571, - kr.
Pr.24.november 2011: det er 803 medllemmar i HBK. Av desse har 793 betalt
kontingent.
19 medlemmar har kun betalt NBK kontingent. Anny sjekkar opp med NBK kven det
er som ikkje har betalt fullverdig medlemskap.
SAK 68/11: Møteplan etter jol -2012.
Frist for å senda inn stoff til årsmeldinga frå lokallaga er sett til 20.januar. For
HBK – styret er fristen 1.februar.( Me prøver å ha det meste klart til styremøte vårt
slik at me får ein oversikt på kva som manglar.)
Nytt styremøte vert måndag 23.januar på Stend. Hugs å kalla inn revisorane til dette
møte og tinga eige rom til dei.
4.februar: Inspirasjonsseminaret i Bergen.
Styremøte tysdag 14.februar på Stend.
Pakking av årsmelding onsdag 7.mars på Stend.(dagmøte)
Fylkesårsmøte helga 23. – 25. mars på Ullensvang hotell.
SAK 69/11: Ymse
Bente E. har vitja Osterøy b.kv.l. på deira årsmøte.
Liv Sp. har vitja Grimo b.kv.l. på deira årsmøte.
Brynhild T. B. og Liv Sp. har vore på Agro Hordaland i oktober 2011.
HBK – styret skal ha ein ny ringjerunde til medlemmane sine rundt 10.januar -12.
Tema me skal ta opp: stoff til årsmeldinga innan 20.januar.
oppmoda til å melda seg på seminaret i Bergen og årsmøte i mars.
Gje ei påminning om årsrapportane til dei laga som ikkje har sendt dei inn.
Minna om matstafett – invitasjon som kjem frå NBK på nyåret.
Tinging av T – skjorter – interresse for dette. Fristen er 4.februar.(då har dei fleste
hatt eit medlemsmøte etter jol)
ymse forts.
Else H. tek ringjerunde til region Folgefonn, i staden for Anny S. Då ho har ein del
gjeremål denne vinteren.(fylkesårsmøte)
HBK – styret har sendt jolahelsing til æresmedlemmane i HBK,
Magnhild Grinde og Synneva Skaar.
Liv Sp. sender ei jolahelsing til NBK.
Neste styremøte vert måndag 23.januar 2012 på Stend kl. 16.00
Skrivar Brynhild