Mandag 20.oktober var det årsmøte i Solheim ungdomshus, og 30 bygdekvinner samla seg rundt haustpynta langbord.

Randi Flatabø Opheim leia møtet støtig gjennom kvelden. Årsmelding og rekneskap vart samrøysta godkjende, og framlegget frå valnemnda vart godkjend slik den låg føre.

Styret for komande arbeidsår er slik:  Randi Flatabø Opheim, leiar. Ingebjørg Winjum, nestleiar. Elin Koppen, skrivar. Liv Sekse, kasserar.  Aud-Marit Netteland, heimesida. Margareth Sørheim, styremedlem.  Varamedlem: Solvor Tveit Bakketun, Hanne Græsli Grove, Liv Marion Grønås.

Liv Kolskår frå Hordaland Bygdelaget var med oss og fortalde blant anna om bygdekvinnestreif i 2026, praktisk informasjon om styrearbeid og forslag til endring i føremålsparagrafen til Norges Bygdekvinnelag.

Anne-Marit Lemme Eikefjord frå turgruppa tok oss med på ei reise gjennom alle turan i år i diktform.

Me kosa oss med snittar frå Kveik, song og god drøs rundt bordet. Det var og åresal med fine gevinstar. 

Takk til alle de som kom og gjorde årsmøtet til ein triveleg kveld i godt lag !