For ein triveleg kveld me hadde onsdag 3.desember på den årlege adventssamlinga med bygdekvinnelaget. Me starta kvelden med varmande gløgg til velkomst og alle var einige om, då me samlast i salen, at vakrare pynta bord kunne ein leita lenge etter....

Etter felles song "Det lyser i stille grender", fekk me høyra referat frå Inspirasjonsseminaret på Lillehammer og frå 100-års jubileet til Voss Bygdekvinnelag, som vart framført på ekte bygdekvinnelags-vis - på rim! Etter dei kreative innslaga, som hausta latter og applaus, var det tid for eit skikkelig festmåltid. Medlemane sine eigne retter med salatar, kaker og heimebakst, overgjekk alle forventningar, og det bugna av alle slags gode smakar.

Kvelden held fram med ei mimre-lysbiletevisning, som synte kor mykje me har fått til saman i året som har gått. Deretter vart det engasjement under gruppeoppgåva og quizen, før me avslutta med åresal, der mange heldige gjekk heim med fine gevinstar. Til slutt song me "Fager er jordi" med ønske om ei fin adventstid ✨️

Tusen takk til alle som kom og gjorde kvelden til ei minnerik og hjartevarm stund. 

Styret i bygdelaget ønsker alle ei god Jolehøgtid & eit godt Nyttår ✨️ Me sjåast på nyåret.