Søndag 4. juni samlast over 40 born og vaksne til «Familiedag med ville vekster» på Fossane i Vormedalen der Janneke var vertinne. Hjelmeland bygdekvinnelag, støtta av Gjensidigestiftelsen og Hjelmeland kommune, var arrangør. Dette er ein del av prosjektet «Bygdekvinner nyt(ter) maten» i Rogaland bygdekvinnelag. Anne Lise Gjesdal viste oss kor kort veg det er til mange smakfulle og nyttige planter. Det vart samla inn mykje godt som gjorde susen i rettane som vart laga: grøn vårpai, urtepannekaker, pannekaker med blomar, , urtebrød, grøftekantfrikadeller, halvvill salat, neslesuppe, løvekjeks, m.m. Det var bålkos, natursti, godt radl, og for ikke å gløyma den fine plassen og det fine og varme veret.