Det passa fint å få litt hjelp òg. 6. klasse har mat og helse på fredagar, og dei gjekk i gang med skrelling og kutting av rotgrønsaker frå morgonen av. Lammekjøtet var gjort klart av Tone frå bygdekvinnelaget, og dei fekk hjelp av Helin og Siri i løpet av dagen.

Lammegryta skulle vera ein smaksprøve, men med rikeleg mengde kjøt som utgangspunkt, fekk alle smaka, og mange ynskte og fekk påfyll, for maten fall verkeleg i smak.

I dag fekk me inn leserinnlegg i Agder - Flekkefjord tidende om kvifor bruka heile dyret. Oppslaget byrja med arrangementet 12. oktober med partering av lam med Stian Espedal og korleis me ville markera dagen i dag.