Hopp til hovedinnhold

Ulvik Bygdekvinnelag

Ulvikfjorden 20. mars 2022 - Foto Annlaug Midtrød

Ulvikfjorden 20. mars 2022

Ordører Hans Petter Thorbjørnsen ynskjer velkomen til bygda  - Foto Annlaug Midtrød

Ordfører Hans Petter Thorbjørnsen ynskjer velkomen til bygda

Mannskoret "Kor so helst" - Foto Annlaug Midtrød

Mannskoret "Kor so helst"

Klare for middag - Foto Silje Pedersen

Klare for middag

Trekking av loddbøker - Foto Annlaug Midtrød

Trekking av loddbøker

Glasblåsar Silje Syse - Foto Annlaug Midtrød

Glasblåsar Silje Syse

Distriktsårsmøte i Hordaland Bygdekvinnelag i Ulvik 19.-20. mars 2022

Hordaland Bygdekvinnelag heldt årsmøte i Ulvik 19.-20. mars 2022. 

Sjølve årsmøtet vart halde i Kongresshallen som er tilknytt Brakanes Hotel og servering av lunsj og festmiddag føregjekk i restauranten på hotellet.

Det var omlag 40 personar som møtte til møtet som var svært godt gjennomført. Det var også gode innlegg og diskusjonar til sakene som var komne inn i forkant.

Møtet vart avslutta etter planen kl. 18 og kl. 19.30 var det klart for festmiddag i restauranten "Draumen" på Brakanes Hotel.

Maten smakte fortreffeleg og mellom rettane var det allsong og me fekk høyre kulturelle innslag. Unge elevar frå musikkskulen i Ulvik spelte fint på piano for oss, og det lokale mannskoret "Kor so helst" underheldt med flott song, til stor begeistring for damene.

Hordaland Bygdekvinnelag hadde også selt lodd i løpet av dagen og dei flotte gevinstane vart trekt under middagen.

 

Sundag 20. mars kunne deltakarane velge mellom omvisning på Olav H. Haugesenteret eller på Syse Glas.