Hei alle gode bønder- og bygdekvinner  i Fjord kommune!

Du vert med dette invitert til konferansen «Det handler om Norge», på Martin Linge huset i Valldal, den 6. juni d.å., kl. 11.00-15.00. 

Denne dagen vil riks-synssarar, fagfolk og politikarar diskutere framtida for Bygde-Noreg, sjå meir i vedlegg. Vi veit det er travel våronn, men  ber likevel om at du prøver å prioritere denne viktige samlinga. Viktig av fleire grunnar, men ikkje minst for å vise at vi som bur i distrikta er bekymra for arbeidsplassen og heimen vår, og at vi krev endring i ein politikk som er i ferd med å køyre bygdene i grøfta. Eitt tema har fått særleg fokus i programmet, det er om produksjon av småbruk er karamellen som vil lokke unge familiar tilbake til bygda?

Håper å sjå deg på Martin Linge-huset, tysdag den 6. juni! Ver ute i god tid!

  VBK har ansvar for lunsjen.

PS. Konferansen er open og gratis for alle, inklusive lunch. (Det som står om varm lunch kr 200,- er feil.)

Solveig

Viktor Norman og Robert Mood til Valldal

«Det handler om Norge»

«Bygdedød» og «småbruk», er to viktige stikkord for eit «Beredskaps-politisk toppmøte» på Martin
Linge -huset i Valldal den 6.juni . Det er Fjord Sp som har teke initiativet til møtet/konferansen, men
arrangøren er ein bygdeallianse av politiske partilag, bondeorganisasjonar og frivillige lag i kommunen.
Medlemane i bygdealliansen har det til felles, at dei er bekymra for bygdene si framtid, i ei tid prega av
negativ folketalsutvikling og forgubbing. Konferansen er gratis og open for alle interesserte!
«Det handler om Norge» er overskrifta for konferansen. Tittelen er henta frå
«Demografikommisjonen» sin rapport, som viser utviklingstrendar i Bygde - Norge. Rapporten fortel
om ei utvikling som slett ikkje er lys. Professor Viktor Norman var leiar av «Demografikommisjonen».
Han vil innleie under overskrifta: «Overhengande fare for bygdedød - kven sløkker siste lyspæra?
Generalløytnant og tidlegare hærsjef, Rober Mood, er eit anna kjent fjes som deltek på konferansen.
Han ropar eit alvorleg varsko mot den dramatiske utviklinga som er skildra i rapporten. Mood meiner at
forsvar og beredskap startar i åkeren til bonden. Levande bygder med folk, bosetting og landbruk i alle
deler av landet, er like viktig som våpen i ein krigssituasjon, hevdar den profilerte generalen.
Spørsmålet konferansen skal prøve å svare ut, er korleis ein kan snu ei negativt
folketalsutvikling? Korleis kan bygdene stimulere unge familiar til å flytte heim att?
Professor Reidar Almås, ved senter for bygdeforsking/RURALIS, meiner at han har svaret.
Stikkordet hans er «småbruk». Han viser til at ordet «småbruk» lenge har toppa finn. no si
liste over dei mest søkte eigedomane. På konferansen presenterer han logikken bak desse
spenstige tankane. Han stiller det retoriske, og for mange provoserande, spørsmålet: Bør
ikkje landbruket og bygdene produsere småbruk, når det er småbruk folk vil ha?
Etter foredraga vert det debatt mellom sentrale politikarar, næringslivstoppar og
bondehovdingar, og der politisk redaktør i avisa Nationen ordstyrar. Ikkje alle i panelet er
klarert enno, men kjende namn som konsernsjef Erik Espeseth i Tafjord Kraft AS, og leiar i
Norges Bonde og Småbrukarlag, Tor Jakob Solberg, har takka ja. Det same har
fylkesordførarkandidatane for H, SV og Frp i M&R gjort. Publikum i salen får og sleppe til.
Spenninga er knytt til korvidt det er realistisk, og om det er politisk vilje, til å
gjennomføre reforma som professoren meiner vil gjere Norge til eit trivelegare og
tryggare land ? Om svaret skulle vere nei, vil arrangøren vite kva som då er
alternativet for å unngå bygdedød?